آ برزئ بزانت!...                     

لالو و چوتا دو مزنين دزد اتنت. و يك روچي هم شور بيت انت كه دُزيا برونت. يك لوگیئ مهلوك، مهمانيا رپتگتنت و اي بهترين فرصتی كه آيانی لوگا بچننت. گرا چه ميتگا ديم په هما لوگا شتنت. نيم راها گون  چلّكا دچار كپت انت. چلّكا گوشت شما كجا روگا ات؟ لالوا گوشت ترا چكار انت ما كجا روگا ان؟ گرا چوتا دل رحمتر ات، گوشتي  ما روگا اِن اِنشپي يك شرّين دزيِی بكنن. پچييا زانون. چلّكا گوشت گرا منا برِ اِت گون من بزگون من شمَی گورا كايون گون. بِلّي منا هم چيزوكي برسيت شما را هُدا هير بدات هنچو لگّت داد و پرياتا منا ...  .لالوا گوشت اشيا نَبِرن گون بدّتر گراينيت اِن هروينيا بروسه نيست انت... چلّك پدا لگت پريات و زاريا گرا  گوشتي من قول ديون كه نام مَگِرون . چوتايا گوشت اﮌه هروينيا نئ قول هست انت نئ زبان ! بلي تو  سك بزّگئ هير ، ترا بَرِن گون. سَئين همراهيگا شتنت. لوگئ گورا كه رستنت چه پسيلا دور اش كت و لوگئ كبل اش پروشت و لوگا مان بيت انت. هر يكي مان جاهی  لگّتنت لوگئ اُرداني سر و چير كنگا. لوگ اش پهك سرانﮈيل  كت.پيش  چه  آييا  كه  چه  لوگا  در بكپنت.

دروازگا توار كت ، بزان لوگئ مهوك پيداگ اَنت. اشتاپيگا چوتا تحتئ چيرا پترت لالو نپاداني چيرا شُت چلّك هما جاها كه اُشتاتگت يك كمدی سرا سركپت همودا برزا وتَي نَز آرت . لوگئ مهوك كه مان بيت انت ديست اش كه پهكين لوگئ پُچّ و نپاد و پيتي و شَنتا يك يك انت گرا  جنا  گوشت ای كيا چو كتگ انت ای ... آيي هبر تمام نبيتگ اَتنت ، كه مردا گوشت بی شك آ بُرزي بزانت. بگير چه آييا هچ كس نزانت. بزان چلّك كه برزاد اَت گوشتي بلكين منا گُشگا انت.گون وتي گوشت چوتا و لالو وَ چيرا پناه انت. گرا بزان من بزانان ! چه همودا چو شكاريگا دَوُري كت و ژهپّگا آ مهلوكی كه اودا اوشتاتگتنت. هماياني ديما كپت و گون جاك گوشتی: اُﮌه نا انصاپان چه منا گريب ترين نيست ات ! تهنا من بزانان. چوتا كه تحتئ چيرا انت، مزانت. لالو كه نپاداني چيرا انت، مزانت. بس من بزانان و... .گرا ای وهدی گپت اش چلّكئ كپنچوكا شرّين ردي لت اش گپت و  آ دگر اش هم در گپت انت لوگَی توكا زندانش كت انت و رندا هر سَئيَن اش پليسئ دستا دات انت.

رستم كريمی خبرنگار گِه