نـُرنـد

و كُـرنـــد                                                                                                              

شنبه : مروچي لهتي قديمي سنگت

و همكلاسي مني ديما كپتنت ، ما سكّ وش حال بيتن ، بگوش وبكند، وتي دلاني زنگ اِن رتكنت . من جست كت شرّن من پلانيا نگندگاون (پلاني مني و مني دوستاني سنگت ات ) تماماني ديم تهار بيت يكيا گوشت : سوچي معتاد بيتگ : گوشتون : شمايي دگه مَسوچت بلّي ترياكا سوتكگ . شما اگه تونت ميلتي گيشتر به سوچيت .

يكشنبه : يكي چه مني نزيكين دوستان عادت كتگ كه اشيي دمبا ويل بدنت و دگري دمبا بگريت . مروچي من گوشت : ترا چه فايده رسيت چه ای كارا ؟ جوابي دات : ايدگه مني دمبا ويل ندينت . من زانت مروچي كه پرچيا لهتي مردم چو دم په دمب انت .

دوشنبه : ما كه هفته نامه چاپ كت لهتي دپ پچ بيت كه شما بس وتي عكسان چاپ كنت . شمَی انتقاد په سر و چمان بلَی شما هم چندكي نبشتانك راه بديت ما شمئ عكسان چاپ كنن (آگان عكسي توكا عينك دودي هم بجنت مشكل نه انت .)

سه شنبه : دگه ای شهرئ توكا كسي نيست انور بليدها مزانت ای بنده هدا من كندگايان كه چطور په آ قديمي رسم ورسومان كه هني ما و شما  شموشتگنت دلي سوچيت (بلئ وت تان هنگت نزانت كه چطور گون مرداكا بروت مچئ سرا ) يكيا گوشت : مچي مانتگ كه يكي بروت سري ! مئ لوگئ ديما يك مزاپتيگي هنگت زند گ انت.

چهارشنبه : پچيا چو عادتن كتگ كه دگراني كاران وتا قاضي بزانين . بازين مردمي من زانون كه تا وهدي يكي سلّين كاری كنگ انت هچ

نگوشنت ، بلئ هنچو كپيت چاتا ، گرا شر شودنتي پدا هشكي هم نكننت و گوشنت : ما نگوشت پلاني رسوا بيت ....

پنج شنبه : هنچو بانگئ توارا اشكنت زيت وتي ضبطئ آوازا كم كنت . رندا گوشيت : لبيك لاشريك بلئ انگت بانگ تمام نبيتگ ضبطئ آواز تُرند تر چست بيت ... نمازي اشت په پيرمردان كه  قبرا روگي انت . وت گوشيت : ما چي وهدي جوانن.

جمعه : مارا سنگتي هست انت كه گوشي گران انت . مروچي جمعه يا ما گوشت كمي وپسن بلئ هنچو واجه  آتك  لوگا ، واب چه مئ سرا شُت هچي، مني گوشي هم كر كتنت . گوشتون : ندرون  په تو من تيي گورا اون پچيا چو جاك جنئ

جمال ناصر ملازهي - نيكشهر